عاش ما كسب /بقلم مصطفى عماري

عاش ما كسب؛ مات ما خلى

اغسل وفارق؛ وقول اوملى راحة .

الرجال تتقاس باللسان

موش بالذهب. لسانك إذا صنتة صانك؛  واذا خنته

خانك.

كلام ناس زمان؛شهد عسل على اللسان.

لو كان الدودة تقتل؛ اشحال في كروشنا ديدان

الكلام قياس؛ يفهموه القدعان

زمان راح وتعدى؛ اغسل

يديك وتعدى

سامح اللي فات؛

 الموت تعشي وتغدي

عمرك ما تكون جبان؛

تعرف بالقايد خوان.

خوان يعاشر خوان؛

 حق المظلوم ينداس ويتهان.

هذا ما صاير؛ في بلاد لحراير

الري خاين؛ زيده العشيرة

والدوار

اش نقلك يا بو قلب؛

العقل طاش وطار

غربة سنين يا عشيري؛

صار فيها اللي صار

 غريب و ماكش مالدار؛

اغسل وفارق

خلي الحكم للجبار

علي صوتك

ارفع 

ايديك للعالي

العالي ما يخليها بيك

دمعة المظلوم نار؛

 كلامي للقاضي الغدار؛

 انا نسمح في حقي؛

موش خوف

اما انت يجيك نهار؛

 بعينيك تشوف،

وعد الله جبار

يشغل ليل مع نهار

على طول العام

ما يعي وما يكد

وبجاه نبي مختار(ص)

ما تبكيش علي فات؛

 راح اللي راح

الدنيا موت  وممات

اللي فات فات

اغسل يدك؛ 

وقول اوملى راحة

وهذا ما كان.

 الرب عالي؛ذو انتقام

هو اللي فيده الزمام.

خلي الظالم والخوان؛

بزوز بيهم فيد الرحمان

حقي ما نسمح فيه؛

بنار جهنم يتكواو بيه

كلامي قياس؛ 

يا ولد الناس

اضحك ومولاها ربي؛

بنادم ما بقى ليه احساس.

الشاعر مصطفى عماري

21-6-2020

لهجة تونسية:اوملى oumalla